Την Ιταλιαν ωκησαν πρωτοι Αυσονες, αυτοχθονες. Πρεσβυτατον δε γενεσθαι λεγουσι Μαρην τινα καλουμενον, ου τα μεν εμπροσθεν λεγουσιν ανθρωπω ομοια, τα κατοπισθεν τω ιππω. Δοκει δε μοι πρωτος ιππων αναβηναι, ειτα εκ τουτου διφυης πιστευθηναι. Μυθολογουσι δε αυτον και βιωναι ετη τρια και εικοσι και εκατον. Την δε χωραν λεγουσιν οικησαι εθνη παμπολλα. Το δε αιτιον η των ωρων ευκρασια, και η της γης αρετη, και το ενυδρον αυτης, και το παμφορον, και το ευβοτον, και οτι ποταμοις καταρρυτος εστι, και θαλασσα αγαθη εστι παρ' αυτη.