Ἀρισταῖος γὰρ ἦν υἱὸς μὲν Ἀπόλλωνος καὶ Κυρήνης τῆς Ὑψέως θυγατρὸς τοῦ Πηνειοῦ· περὶ δὲ τῆς γενέσεως αὐτοῦ μυθολογοῦσί τινες οὕτως. Ἀπόλλωνα, περὶ τὸ Πήλιον τρεφομένης κόρης ὄνομα Κυρήνης κάλλει διαφερούσης, ἐρασθῆναι τῆς παρθένου, καὶ μετενεγκεῖν αὐτὴν τῆς Λιβύης εἰς ταύτην τὴν χώραν, ἐν ᾗ κατὰ τοὺς ὕστερον χρόνους τινὰ κτίσαντα πόλιν ἀπ᾽ ἐκείνης ὀνομάσαι Κυρήνην. Τὸν δ᾽ οὖν Ἀπόλλω κατὰ ταύτην τὴν χώραν ἐκ Κυρήνης γεννήσαντα υἱὸν Ἀρισταῖον τοῦτον μὲν νήπιον ὄντα παραδοῦναι ταῖς Νύμφαις τρέφειν· ταύτας δὲ τῷ παιδὶ τρεῖς ὀνομασίας προσάψαι· καλεῖν γὰρ αὐτὸν Νόμιον, Ἀρισταῖον, Αγρέα. Τοῦτον δὲ παρὰ τῶν Νυμφῶν μαθόντα τήν τε τοῦ γάλακτος πῆξιν καὶ τὴν κατασκευὴν τῶν σμήνων, ἔτι δὲ τῶν ἐλαιῶν τὴν κατεργασίαν, διδάξαι πρῶτον τοὺς ἀνθρώπους. Διὰ δὲ τὴν εὐχρηστίαν τὴν ἐκ τούτων τῶν εὑρημάτων τοὺς εὐεργετηθέντας ἀνθρώπους τιμῆσαι τὸν Ἀρισταῖον ἰσοθέοις τιμαῖς, καθὰ καὶ τὸν Διόνυσον. (Diodoro Siculo)
Aristeo, infatti, era figlio di Apollo e di Cirene, la figlia di Ipseo del Peneo; riguardo alla sua nascita, alcuni raccontano così: Apollo, innamoratosi della fanciulla di nome Cirene, allevata intorno al Pelio e si distingueva per la bellezza, la trasportò (μεταφέρω, aor) in questa regione della Libia, in cui nei tempi successivi, qualcuno avendo fondato (κτίζω, par aor) una città e la chiamò da quella Cirene. Apollo, dunque, dopo aver generato in questa terra da Cirene un figlio, Aristeo, lo affidò da allevare, quando era un infante, nelle mani delle Ninfe. (Raccontano che) esse attribuirono (προσάπτω) al bambino tre nomi, chiamandolo Nomio, Aristeo e Agreo. (Raccontano che) questo [Aristeo], avendo appreso dalle Ninfe sia la cagliatura del latte sia la costruzione degli alveari e, inoltre, la lavorazione delle olive, per primo le insegnò agli uomini. Per l'utilità (sott "derivata") da tali invenzioni, gli uomini beneficati onorarono Aristeo con onori pari a quelli degni di un dio, proprio come Dioniso.
(By Vogue)